Álestur af orku­mælum heyrir brátt sögunni til!

Mælaskiptin á starfssvæði Veitna munu fara fram á árunum 2022-2025. Á kortinu hér ofar á síðunni getur þú séð hvenær áætlað er að skipta um mæla á þínu svæði.

Þú greiðir ekki sérstaklega fyrir mælaskiptin, þau falla undir eðlilega endurnýjun og viðhald á veitukerfunum. Snjallmælarnir gera okkur kleift að reka veitukerfin á hagkvæmari hátt sem minnkar rekstrarkostnað og er betra fyrir umhverfið og auðlindirnar.

Viku fyrir mælaskiptin sendum þér tölvupóst með úthlutuðum tíma og daginn áður færðu áminningu með SMS. Tímabókunin tekur frá tvo tíma sem gefur auka svigrúm en sjálf mælaskiptin taka um 30 mínútur.

Fulltrúar okkar munu svo heimsækja þig og skipta um mæla. Þeir eru í fatnaði merktum Veitum og einnig bera þeir starfsmannaskírteini með nafni og mynd. Skipt verður um eftir atvikum rafmagns- og/eða heitavatnsmæli. Athugið að taka þarf rafmagn og heitt vatn af á meðan mælaskiptunum stendur. Í undantekningartilfellum gæti þurft aðra heimsókn til að lagfæra sjálfvirk samskipti við mæla til dæmis með uppsetningu á loftneti.

Við biðjum þig að tryggja gott aðgengi að mælum svo að skiptin gangi hratt fyrir sig.

Á mínum síðum á www.veitur.is getur þú fylgst með notkun þinni á myndrænan hátt. Með tilkomu snjallmæla fjölgar mælingum og þar með getur þú í framtíðinni fylgst með breytingum á notkuninni frá degi til dags og jafnvel innan sólarhringsins. Þannig minnka verulega líkur á að óvenjuleg orkunotkun (notkunarslys) vegna bilunar eða orkufreks búnaðar hafi áhrif á reikninga þína til lengri tíma.

Réttar upplýsingar eru mikilvægar í öllum samskiptum og því biðjum við þig að athuga hvort tengiliðaupplýsingar þínar séu rétt skráðar á mínum síðum og uppfæra ef þörf er á.

Notkun er breytileg milli mánaða og því er líklegt að nokkur munur verði á reikningunum þínum milli mánaða. Búast má við að þeir verði lægri á sumrin og hærri á veturna, sérstaklega þegar um er að ræða reikninga fyrir notkun á heitu vatni.

Alla reikninga má skoða á mínum síðum Veitna - Reikningar eru aðgengilegir tveimur vikum fyrir gjalddaga eða í kringum 20. hvers mánaðar.

Notkun er breytileg milli mánaða og því er líklegt að nokkur munur verði á reikningnum þínum milli mánaða. Búast má vð að þeir verði lægri á sumrin og hærri á veturnar, sérstaklega þegar um er að ræða reikninga fyrir notkun á heitu vatni.

Alla reikninga má skoða á mínum síðum Veitna - Reikningar eru aðgengilegir tveimur vikum fyrir gjalddaga eða í kringum 20. hvers mánaðar.